Feeds:
Написи
Коментари

Posts Tagged ‘Л. Рон Хабард’

scientology library

Скиентолошка библиотека

Москва, 21 април, Интерфакс – На иницијатива на Обвинителската канцеларијата за транспорт во Сургут, материјалите на основачот на Скиентологијата, Рон Хабард, беа признати како екстремистички и забранети во Русија, известуваат од Канцеларијата на обвинителството.

Во согласност со законодавството, тие ќе бидат вклучени во Руската федерална листа на екстремистички материјали.

Обвинителската канцеларијата за транспорт во Сургут и царината од Ханти-Мансијск извршија заедничка проверка за да откријат кои се различните примачи во Сургут на испораки од САД преку меѓународна пошта со литература, аудио и видео дискови од Скиентологијата (од Л. Рон Хабард.)

Информативните материјали беа конфискувани и испратени на испитување до религиозните експерти на Советот при Гувернерот на Ханти-Мансијск, каде што експерти по психијатрија, психологија и социологија заклучи дека материјалите треба да бидат спречени да се шират, бидејќи истите ја поткопуваат традиционалната основа на духовен живот на граѓаните во Руската Федерација. ”

Обвинителската канцеларијата за транспорт во Сургут апелираа до судот да ги признае конфискуваните материјали како екстремистички.

На резултатите од спроведената психо-лингвистичка експертиза, беше потврдено дека материјалите “содржат евидентен и скриен апел за социјални и верски раздор, на промовирање на ексклузивноста, супериорноста или недостатоците на личноста врз основа на неговата или нејзината социјална и верска припадност и односот кон религијата, повикува на попречување на законските активности на државните органи, вклучувајќи и судски и за спроведување на законот, повикува на вршење злосторства мотивирани од идеолошка и верска омраза. “

Advertisements

Read Full Post »

Science fictionПрвата официјална Скиентолошка црква е основана од Л Рон Хабард, во 1953г. во Камден, Њу Џерси. Но веќе пред тоа, системот на верување бил во голема мера развиен. Основата на скиентолошките верувања може да се пронајде во публикацијата на Дијанетиката три години претходно.

Црквата се базира на збир од идеи во врска со умот, телото и духот, кои сумирани ја прават„Скиентологијата“. Овој сет од верувања содржи многу елементи од Дијанетиката, Хабардовиот претходен систем на само-помош, кој доживеа голем комерцијален успех со издавањето во 1950г. Скиентолозите веруваат дека човекот поседува два одделни ума. Аналитичкиот ум е делот од умот кој размислува, набљудува податоци, и решава проблеми. Има стандардни банки на меморија со цел да носи одлуки ои водат кон опстанок. Вториот ум е Реактивниот ум. Кога едно лице е „несвесно“, реактивниот ум прецизно ги снима сите перцепции од таа случка, како и тоа што се случува или што е кажано во близина на лицето. Истотака тој ја снима целата болка и ја архивира оваа ментална слика во сопствени банки на меморија, кои не се достапни при свесно присетување на лицето, и не се под негова контрола. Реактивниот ум не ја архивира меморијата каква што е. Тој архивира специфични видови на емнтални слики, наречени енграми. Овие енграми претставуваат комплетна снимка до последниот детал, на секој перцепција која е присутна во момент на делумна или комплетна „несвесност“.

Енграмите кои постојат во Реактивниот ум, предизвикуваат да се однесуваме нерационално, или спротивно на нашиот порив за опстанок. Преку „аудитингот“, кој е процес на духовна „терапија“ која се одвива во еден-на-еден приватни сесии во Црквата, Скиентологијата тврди дека може да се исчистиме од нашите Реактивните умови, и да постигнеме повисоко ниво на свесност наречено „Клиер“. Состојбата на Клиер означува комплетно бришење на нашиот Реактивен ум, и наводно ќе не ослободи од какви и да се претходни болни последици.

Штом се стане Клиер, Скиентологот е далеку од готов. Хабард создал серија на постепени тренинг рутини, наречени ОТ (Оперативен Тетан) степени (зборот „тетан“ е скиентолошки термин за дух или човечка душа). Ова е познато како напредување по „Мостот кон тотална слобода“. Секое ниво станува се поскапо и поскапо, но тврди дека резултира во повисоки и повисоки состојби на свесност. Скиентолозите веруваат дека Оперативните Тетани се здобиваат со надприродни способности, како екстериоризација на духот надвор од телото, самолекување, далекувидост и најважно, апсолутна моќ над материјата, енергијата, просторот и времето.

Контроверзијата што постои постои последните 50 години од самите почетоци на Црквата, не е поврзана со овие учења, туку со безбројните директиви кои Л Рон Хабард ги има воведено низ времето, со цел да се справи критичарите, како и со обидите на Скиентологијата да го прикрие овој високо профитабилен бизнис под плаштот на религијата. Скиентологот за да достигне „целосна духовна слобода“, вообичаено треба да вложи над 300 000 долари за касети, книги, серија предавања, аудитинг сесии и курс материјали; сите овие нешта имаат поединечно утврдени цени. Друго прашање е озлогласениот карактер на парничење на Црквата. Ова е очигледно од фактот дека Црквата има поднесено над две илјади поединечни судски тужби против ИРС и уште многу други против индивидуални критичари.

Некој еден ден ќе каже ’ова е илегално’. Дотогаш, осигурајте се Црквата да кажува што е легално, а што не е.
-Л Рон Хабард, ХКК ДР од 4 Јану 1966, „ЛРХ врски кон Орговите“

Л Рон Хабард Јуниор, синот на Л Рон Хабард, бил Извршен Секретар на Скиентолошката Црква. Тој ја напушта Црквата во 1959г. поради татковата автократска и своеволна контрола врз Скиентологијата, за која тврди дека често водела кон насилство.

Л Рон Хабард Јуниор почнал да се вознемирува поради својата вмешаност во овие работи и конечно бил убеден од својата сопруга да си замине. За да го избегне малтретирањето од Скиентолошката Црква, во 1972г. си го менува името во Роналд ДеВулф. Во својата декларација, тој сведочи:

Роналд ДеВулф

„Татко ми од секогаш гледаше на Скиентологијата и аудитингот како на чиста наука, а не религиозно ’верување’ или верба. Ние редовно дававме ветувања и дистрибуиравме изданија со ’научни гаранции’. Ова одсекогаш беше редовна пракса. Татко ми и јас создадовме ’религиозен фронт’ едиствено поради даночни цели и легална заштита против ’тужби поради измама’. Ние скоро на сите им кажувавме дека Скиентологијата е всушност наука, а не религија, и дека религиозниот фронт беше создаден за да се справиме со владата.“
-Роналд ДеВулф алијас Л Рон Хабард Јуниор (син на Л Рон Хабард), Декларација во судската постапка Schaick против Црквата на Скиентологија, Локален Суд на САД, бр. 79-2491

Според Л Рон Хабард Јуниор и многу други екс-членови, Црквата продолжува да ги следи агресивните полиси пропишани од Л Рон Хабард пред неговата смрт на 24 Јануари, 1986г. Дејвид Мискевиџ, претседател на Одборот на Религиозниот Технолошки Центар, е моменталниот „лидер“ на Скиентологијата. Мискевиџ бил добар пријател со Л Рон Хабард во неговите последни денови и покажува прилично многу од параноидните, агресивни и нестабилни карактерни црти на својот претходник.

ПОСМРТНИЦА НА Л РОН ХАБАРД

L Ron Hubbard death certificate

Read Full Post »

За да разберете што е Скиентолошката религија, прво мора да стекнете разбирање за нејзиниот основач. Официјалната биографија на Црквата го прикажува Хабард како хуманист, едукатор, светски истражувач, артист, философ и пред сé, спасител на човештвото. Но, реалноста ни дава поинаква, мрачна слика. Преку увид во неговите лични дневници, неговото школско и воено досие, и од кажувањата на неговата сопствена фамилија, добиваме многу поинаква слика: длабоко параноична единка, очајна да го смести своето име во книгите по историја, притоа правејќи милиони долари, промовирајќи го својот бренд на поп психологија.

L. Ron Hubbard

Л. Рон Хабард е американски писател на научна фантастика од Небраска, кој пред креирањето на својата религија бил познат по неговиот фокус во научната фантастика. Тој се здобива со одредена едукација во универзитетот Џорџ Вашингтон, запишувајќи се во 1930г. во програмата за граѓански инженеринг. Но, неговиот академски успех е значително слаб, и следната година е исфрлен од школото.

За време на Втората Светска Војна, Л. Рон Хабард служи како морнарички офицер, но постојано бива отстрануван од раководни позиции поради некомпетентност. Во Јуни 1943г., е подложен на дисциплинско сослушување. Хабард по трет пат е отстранет од раководство откако го закотвува својот брод во Коронадо островите, кои се во територија на Мексико, и таму продолжува да  изведува воени вежби. Мексиканските служби поднесуваат официјална жалба. Ова, заедно со неговиот неуспех да ј следи наредбата да се врати во базата,го  води до Истражен Одбор. Одборот одлучува дека Хабард не ги испочитувал наредбите и  е префрлен на други задолженија.

Откако е отпуштен од морнарицата, Хабард воглавно се ангажира во научна фантастика. Л. Рон Хабард добива одредено ниво на признание за неговата работа во научната фантастика, но пишувањето за еден цент по збор, не е неговата идеја за успех.

Не можеш да се збогатиш пишувајќи научна фантастика. Ако сакаш да се збогатиш, отпочни сопствена религија.

Одговорот на Л. Рон Хабард на прашање од публиката за време на состанок на Источната Асоцијација за Научна Фантастика (7ми Ноември 1948), цитирано во сведоштвото на Сем Москович во 1994г.“

Некое време по војната, Хабард се сретнува со Џек Парсонс, професор по аеронаутика во Калтек и приврзаник на британскиот окултист Алистер Кроули. Хабард успева да се всели кај Парсонс кој живее со неговата девојка Сара Нортруп. Парсонс, кој е Сатанист, го воведува Хабард во ритуална магија. Скиентолошката Црква не негира дека ова се случило, но тврди дека Хабард всушност работел како таен агент во мисија да стави крај на наводните магиски активности на Парсонс и да ја „спаси“ Сара Нортруп, која Парсонс ја користел во неговите Сатански ритуали. Всушност, Хабард во своите скиентолошки предавања  го опишува Парсонс како негов пријател, а не како лице под негова истрага. Интересно е и да се спомене дека Хабард покасно се зема со девојката која вели дека ја спасил од Парсонс. Сара Нортруп станува втора ѓена на Хабард во Август 1946г. (станува збор за чин на бигамија, бидејќи Хабард веднаш по морнарицата ја напушта својата прва жена и деца, но не бил разведен). Набрзо потоа, ја објавува Дијанетиката.

Можеме само да претпоставуваме како фактички Л. Рон Хабард ја развил својата „наука“, Дијанетиката. Билокакви сведоштва и документи од неговите експерименти никогаш не се презентирани, ниту пак се докажани било кој од методите кои ги користел за да  дојде до своите теории за умот. Според Црквата, зачетоците на Дијанетиката се серијата на клеточни експерименти, кои наводно ги вршел во 1937г. Тие експерименти наводно покажувале дека поривот за опстанок доминирал над секој друг можен животен порив.

Ова било пресврт во дотогашната тероија дека животот не е ништо друго освен игра на среќа. Спротивно на Дарвиновата тероија на еволуција, која дава важност на опстанокот единствено од аспект на природна селекција, Хабард изјавува дека опстанокот доаѓа од „интелигенција“ надвор од шемата на животот. Хабард изјавува дека целиот живот е раководен од една команда: опстани. Но како да се опстане? Хабард морал да изнајде практично решение. Неговиот прв голем чекор кон такво нешто, и следствено кон Дијанетиката, е направен во 1945г. за време на Втората Светска Војна. Хабард, кој во тоа време е полковник во американската војска, наидува на 15 бивши воени затвореници, кои по изгладнувачкиот режим не биле способни да апсорбираат протеин и покрај сите можни третмани.

Хабард, заинтригиран од ова, заклучил дека умот го контролира телото, а не обратно, и дека умот моѓе да создаде ментални пречки кои спречуваат ендокриниот систем да реагира на третманот. Од друга страна, ако та ментална пречка е отстранета, проблемот би бил решен. Ова станува првиот принцип во Дијанетиката.

Зборот „дијанетика“ доаѓа од грчиот збор диа (низ, преку) и ноус (ум или мисла). Хабард ја формулира Дијанетиката врз база на премисата дека умот е тој што реагира на примарната команда за опстанок, и го контролира животот во напорот за опстанок.

Тврдејќи дека го открил изворот за повеќето проблеми на човекот, Хабард се зафаќа да ја претвори Дијанетиката во неинвазивна терапевтска наука која може успешно да ги излечи сите типови на неврози, психосоматски болести и психози.

ИЗВОД ОД УНИВЕРЗИТЕТОТ НА Л. РОН ХАБАРД

L. Ron Hubbard College Transcript

МОРНАРИЧКО ДОСИЕ НА Л. РОН ХАБАРД

L. Ron Habard{s Naval Record

Read Full Post »