Feeds:
Написи
Коментари

Lori Hodgson’s Disconnection story.

Advertisements

Последниве неколку години медиумите ширум светот информираат за кризата во која се наоѓа Скиентологијата; голем број на важни членови на црквата ја напуштаат истата, откривајќи ги злоупотребите што се случуваат внатре. Сите поединечно, долгогодишни посветени Скиентолози, објавуваат дека им е преку глава и дека ја напуштаат Црквата.

Но сега, за првпат, цела Мисија објавува дека ја напушта Црквата. Се работи за Центарот Дрор во Израел, кој во опширно соопштение објави дека го офрла раководството на Дејвид Мискевиџ и официјалната Црква. Оваа мисија планира да стане дел од многубројното движење т.н. “Независна Скиентологија”. Скиентолошката Црква сеуште не дала официјален коментар.

Дани Ламбергер и сопругата Тами го основале Центарот Дрор во 1992г. Тами двапати била признаена од Црквата како најдобар аудитор на светот, во 2000 и 2002г. Минатата недела Ламбергерови отидоа во САД за да се сретнат со други членови на независното движење. Ова и даде можност на Црквата на аеродромот во Тампа да им врачи белешки со кои ги декларира за супресивни личности (жаргон што Црквата го користи за екскомуникација).

“Нашата мисија е една од малкуте на планетата која вистински успева и се шири,” вели Дани. Но сега, неговата мисија го извести Мискевиџ дека одсега натаму нема да му рапортира нему. “Ние ја напуштивме Црквата”.

Извор:

20120719-191456.jpg

Тотална слобода надвор од црквата

Скиентологијата се состои главно од мрежа на мисси и групи на поле, кои се помали но побројни од нејзините “Оргови” – кратенка за организации.

Во Израел постојат еден Орг во Тел Авив, Мисијата во Хаифа на Лембергер, две помали мисии и 4-5Аудитори на поле. Центарот Дрор кој брои 50 вработени, за мисија има здрава големина и зазема значително место во скиентолошкото присуство во Израел.

На 2ри Јануари, Лембергер го прими познатиот новогодишен емаил пратен од Деби Кук, славен поранешен извршител во Скиентологијата. Деби Кук ги запрепасти своите пријатели скиентолози со оваа долга порака полна со детали за тоа како Дејвид Мискевиџ ја води црквата во “екстремно барање на донации” и ја оддалечува од принципите на Скиентолошкиот основач, Л. Рон Хабард. Црквата ја тужеше Кук поради испраќањето на овој имејл, за подоцна да бара спогодба со која Кук ветува дека нема повеќе јавно да зборува за своите искуства.

Лембергер го препрати емаилот од Кук до менаџментот на Црквата за да добие коментар, но наместо одговор, Канцеларијата за Специјални работи (Office of Special Affairs- OSA) на Црквата го подложи на “етика”- специјален програм на испрашување, и му даде да прочита примерок од нивното списание за пропаганда – Freedom, полно со напади насочени против угледот на многубројните поранешни извршители на високо ниво во Црквата (Marty Rathbun, Amy Scobee, Tom DeVocht итн) кои во 2009г. проговорија за списанието Tampa Bay Times.

“Списанието Freedom е одвратно”, вели Лембергер. ” Има слика од Том ДеВохт како си ги чеша мадињата, демек тоа не е нешто што секој маж го прави. Имаше слика од Ејми Скоби која ја правеше да изгледа лошо. А самиот текст беше шокантен и грозен. Толку шокантен, што просто знаеш дека е лага. Чиста омараза, а еден Скиентолог никогаш не би требал да мрази.”

Како и секогаш, употребата на сопственото списание Freedom од страна на OSA како бумеранг удри по нив.

“Списанието Freedom споменува дека Марти Ратбун има свој блог. И така конечно отидов на интернет.” Како посветен 30 годишен член на Скиентологијата, Лембергер никогаш не истражувал на интернет што другите луѓе зборуваат за неговата црква, и не знаел ништо за кризата во која се наоѓа Скиентологијата.

Но сега почнал да апсорбира информации до максимум. “Открив дека светот се изменил.”

Покрај контроверзиите, сфатил дека постои брзорастечко независно движење коешто зазема неколку различни форми во Европа и во САД. И овие групи ја користат истата литература и материали како и официјалната Црква, но без повеќеслојната контрола и постојаните барања за големи донации на пари.

“Сега се се наоѓа на интернет. Целиот Мост, страната на обука и страната на аудитинг. Повеќе не постои монопол.”
Се вџашил кога открил дека целиот “Мост до тотална слобода” е достапен за секој со компјутер и интернет пристап.

Дани вели дека дошол до сознание дека целата негова Мисија може да продолжи да ги следи идеие на Хабард, но да раскрсти со самата Црква.

“Вработените во нашата мисија добро ме познаваат и мене и Тами. Сите се добро платени. Сите наши клиенти добиваат супер услуга. Се справив со новата ситуација на мој начин. Ги собрав сите вработени и им кажав за Деби Кук. Ги поттикнав сами да направат свое истражување.”

Тој цитира и директива од Хабард како оправдание за проектот за истражување. Тами додава: Како што вели Црквата “Мисли со своја глава- Think for yourself”.

“Луѓето од Мисијата почнаа да читаат за Скиентологијата на интернет и сите дојдоа до истиот заклучок – црквата е заебана. Орговите се бескорисни. Дејвид Мискевиџ е лунатик. Одлучивме да ја напуштиме Црквата.”

Рација на Скиентолошкото седиште во Торино: Откриена тајна архива со информации за секс, здравје, и политика

Police raid of Scientology org in Turin, Italy

20 мај 2010

Скиентологијата е под истрага од страна на канцеларијата на обвинителот во Торино. Опремени со судски нналог, мобилната полиција спроведе рација во седиштето на верска организација во Торино. Според извештајот од Ла Стампа, иследниците ги барале личните досиеја направени за членовите, како и за непријателите на Скиентологијата.

За девет часа, полицијата ги пребаруваше канцелариите лоцирани на Виа Берсецио. Во подрумот, скриени зад заклучена врата, инспекторите ги пронашле тајните архиви со датотеки на судии, полицајци, новинари и роднини на поранешни следбеници.

Нивната содржина сега се испитува од страна на судството, но дневниот весник на Торино објави дека датотеките се преполн со чувствителни информации за сексот, здравствената состојба и политиката. Листови А4 формат полни со чудни акроними и разбирливи само за свештениците од култот, кои ги заведуваат на овие страници резултатите од е-метар сесиите, специјално распрашување кое наводно и овозможува на Скиентологијата да ја разбере духовната состојба на пациентите.

Сомневањето за кривично дело се однесува на повреда на стандардите за ракување со чувствителните податоци.
Извор: Газета Ди Парма

Во продолжение е дадено во кратки црти е интервјуто со поранешниот скиентолог кој работел 8 години во Торино Скиентолошката црква.
Извор:
прва страна: Прв дел од интервју

втора страна: Втор дел од интервју

По неговото заминување, поранешниот скиентолог доби закани дека негоивите тајна и злосторства ќе бидат откриени. Ова би било непријатно, но повредил многу луѓе, лоши работи, и има спомени кои постојано го разбуди ноќе.

На ex-скиентологот има околу 50 години.

Еx-скиентологот објаснува дека COS (скиентолошката црква) има фајлови со интимни признанија направени за многу луѓе, како и тајните фајлови на непријателите Скиентологијата. Вториот тип на фајлов веројатно се чуваат во домовите на лицата соучесници.

Примери на непријателите, за кои има COS датотеки се поранешен спикер на парламентот Лучијано Виоланте , д-р Луиџи Сиоти, судијата Милан, и еден татко кој се обидува да ја ослободи неговата ќерка од Скиентологијата. Истражниот метод е да се најдат злосторствата на лицето и да се најдат непријателите на лицето. Во некои случаи, се користени платени приватни истражители.

Еx-скиентологот дава пример на еден човек кој бил уценуван со добивањето на анонимно писмо со неговите лични информации, вклучувајќи го и фактот дека тој уживал да носи женска облека.

Вториот тип на фајлови: Во организација Торино најмалку 20 години наназад се чуваат истите, и имаат речиси 20.000 папки, некои од лицата кои само купиле една книга. Досиејата чувани под клуч се однесуваат на персоналот, на лицата кои биле предмет на истрага , како и на “специјални операции”.

Лучијано Виоланте се смета за непријател затоа што тој јавно ја нападнал Скиентологијата. А лажен новинар бил испратен да го интервјуира и било направено досие за изјавеното.

Луиџи Сиотие “бил истражуван”, бидејќи тој јавно го критикувал Нарконон.

Сите информации составена од Торино COS се преведени и предадени во седиштето на скиентолошката црква во САД.

Еx-скиентологот спомнува жена- судија, родена во Торино, кој работи за канцеларија на обвинителот на Милан. Истрагата за нејзиното потекло вклучила наоѓање на нејзината дипломска теза, интервјуирање на нејзините непријатели, проучување на договори ко ги има дадено, и многу интересни работи биле пронајдени.

Датотеките најчесто се користат само за да се обезбеди знаење за луѓето, но информацијата е понекогаш објавена во печат или на интернет. Целта е да се убеди непријателот да се држи настрана.

Едно лице беше одговорно за составувањето на датотеки и ова лице исто така беше одговорен за опоравување на луѓе кои ја напуштиле скиентологијата.

Околу 700 лица се во Торино организацијата. Вработените во просек работат 3 или 4 години.

Приходите на Торино оргот (организацијата) се приближно 35.000 € неделно во просек, околу еден милион евра годишно.

Запрашан зошто проговорува за ова, поранешниот скиентолог одговори: “Бидејќи се срамам од она што бев и правев.”

Запрашан дали тој се плаши, поранешниот скиентолог одговори дека тој се плаши повеќе од американските скиентолози отколку од италијанските бидејќи таму се случуваат мистериозни смртни случаи поврзани со скиентологијата.

Следи ПРЕС ИЗЈАВА од АНОНИМУС, движењето кое протестира против злочините и кршењето на човечките права од страна на Скиентолошката организација.

Anonymous

Анонимус

Над 1.000 поранешни членови на Црквата на Скиентологијата проговорија јавно против т.н. црква, според листата истражувана и составенa од Анонимус во текот на изминатата година и најавена на 11 април, 2010 година.

Лицата на списокот зборуваат под нивните вистински имиња против злоупотребите кои ги виделе и ги доживеале во рамките на т.н. црква и покрај тоа што подложат на “Скиентолошката фер игра” политика, која им дава дозвола на членовите да ги уништат нејзините критичари. Фактот дека повеќето поранешни членови никогаш не зборуваат против црквата, во голема мера се должи на оваа политика.

Приказните, изјавени од страна на овие екс-членови се слични на откровенијата направени неодамна од страна на поранешни членови кои зборуваат против Скиентологијата во високо-видливи статии во Њујорк тајмс, во Санкт Петерсбург тајмс “, а неодамна, во Си-Ен-Ен серијалот од пет дела на Андерсон Купер, 360. Според Црквата на Скиентологијата, овие поранешни членови се “лажговци” и “апостати” со агенда да ја уништат црквата. Анонимус прашува дали Скиентологијата, исто така, ќе ги наречелажговци сите 1.000 од овие поранешни членови.

Листата, кој продолжува да расте секојдневно, содржи многу имиња на поединци, кои повеќе не практикуваат Скиентологијата, како и многу други што сеуште практикуваат.

Заедничко за сите е дека секој од нив одлучи да истапи напред и да му каже на светот што се случило во времето кога биле дел од Скиентологијата организација. Иако нивните средини варираат во голема мера, нивните приказни се слични и многу од темите содржат: ригидна контрола на информации, присилно исклучување од најблиските кои се критични на групата, сурови кампањи да се измолзат пари од членовите, физичка и емоционална злоупотреба на деца и возрасни, робовски кампови дизајнирани да се зајакне индоктринацијата, и многу други вознемирувачки практики.

Нивните грозоморни приказни доаѓаат од голем број земји во целиот свет и се случуваат со децении.

Анонимус сега го слави составувањето и објавувањето на 1.000-те припадници на листата на човечки гласови кои не се можат повеќе да се замолчат, и никогаш повторно нема да бидат сами. Може да се најдат на онлајн листата тука: http://wiki.whyweprotest.net/Former_Church_of_Scientology_members_who_have_spoken_out

Сите преостанати жртви или набљудувачи на злоупотреба во рамките на Скиентолошката организација се поканети да проговорат и да ги додадат своите имиња и своите пораки.

Се надеваме дека храброста прикажана од оние имиња на оваа листа, ќе охрабри повеќе луѓе да истапат со своите приказни на злоупотреба, и на крајот да спречат ваквите злоупотреби да се случува повторно.

Од февруари 2008 година, Анонимус протестираше против злосторствата и злоупотребите на “Скиентолошката црква” и нејзините бројни пред-групи. Овие протести, како и напорите за подигање на јавната свест како што е оваа Листа, ќе продолжи.

Ние сме Анонимус
Ние сме легија
Ние не простуваме
Ние не забораваме
Очекувајте не.

scientology library

Скиентолошка библиотека

Москва, 21 април, Интерфакс – На иницијатива на Обвинителската канцеларијата за транспорт во Сургут, материјалите на основачот на Скиентологијата, Рон Хабард, беа признати како екстремистички и забранети во Русија, известуваат од Канцеларијата на обвинителството.

Во согласност со законодавството, тие ќе бидат вклучени во Руската федерална листа на екстремистички материјали.

Обвинителската канцеларијата за транспорт во Сургут и царината од Ханти-Мансијск извршија заедничка проверка за да откријат кои се различните примачи во Сургут на испораки од САД преку меѓународна пошта со литература, аудио и видео дискови од Скиентологијата (од Л. Рон Хабард.)

Информативните материјали беа конфискувани и испратени на испитување до религиозните експерти на Советот при Гувернерот на Ханти-Мансијск, каде што експерти по психијатрија, психологија и социологија заклучи дека материјалите треба да бидат спречени да се шират, бидејќи истите ја поткопуваат традиционалната основа на духовен живот на граѓаните во Руската Федерација. ”

Обвинителската канцеларијата за транспорт во Сургут апелираа до судот да ги признае конфискуваните материјали како екстремистички.

На резултатите од спроведената психо-лингвистичка експертиза, беше потврдено дека материјалите “содржат евидентен и скриен апел за социјални и верски раздор, на промовирање на ексклузивноста, супериорноста или недостатоците на личноста врз основа на неговата или нејзината социјална и верска припадност и односот кон религијата, повикува на попречување на законските активности на државните органи, вклучувајќи и судски и за спроведување на законот, повикува на вршење злосторства мотивирани од идеолошка и верска омраза. “

Лино Бомбонато на Германската Стерн ТВ

Лино Бомбонато на Германската Стерн ТВ

Кога пријателите стануваат непријатели

Скиентологијата беше неговиот живот: Цели седум години момчето од Рајнска област беше преокупирано со култот, работејќи за истиот за многу ниска плата, па на крај дури и шпиунирајќи ги противниците на култот. Но сега,  неговата замисла за среќен скиентолошки свет почна да се руши.

Всушност, беше потребен само еден тест за личноста од почетната страница на Скиентологијата, да го направи Лино Бомбонато љубопитен во 2003 година. На пример, 15-годичниот Лино беше прашан за неговото расположение, дали спие добро или дали има тенденција да биде љубоморен. Ученикот ги одговара прашањата и ги дава своите податоци за контакт. Набрзо тој е на пат за Дизелдорф: Тој сака да ги праша за резултатите од тестот во локалната Скиентолошка црква.

Голема кариера во Скиентологијата

Но, приказната не завршува со наводниот тест за личноста, луѓето од Скиентологијата прават овој млад човек од Рајнска да се заинтересира и да стане ентузијастичен да се зачлени. Лино Бомбонато беше заинтригиран од идејата за “себе-подобрување”. Затоа, тој почна да посетува курсеви во Скиентолошката црква во Дизелдорф. Кратко потоа тој прави голема кариера во култот. Лино Bombonato се чувствува безбеден и почитуван од Скиентолозите. Во текот на тоа време, култот беше “како семејство”, вели тој денес. Младиот човек станува член на скиентолошката разузнавачка агенција, шпиои за критичарите и се обидува да ги попречи протестите од страна на противниците на култот.

Во меѓувреме, неговиот однос со родителите сè повеќе се влошува. Лино Бомбонато го одржува контактот само поради пари – бидејќи да се биде член на Скиентологијата е скапо. Бидејќи татко му е против култот, Лино Бомбонато не може да дојде до повисока позиција во рамките на организацијата. Самоубиството се јавува како последна шанса да го смени тој факт. Скиентолозите го наведуваат да верува дека тој би можел да биде повторно роден во “подобри услови”, по неговата смрт, односно кај родители кои се самите Скиентолози.

Обидот за самоубиство не успеа

На обидот за самоубиство не успева: Лино Бомбонато е најден навреме. Но сепак, младиот човек не размислува да си замине. Неговата работа како разузнавач е таа што подоцна му ги отвора очите: Всушност, тој разговара со членови на антискиентолошката организација, со единствена цел да ги шпионира. Но, контактот станува се поблизок.

Кога Скиентологијата почна да се сомнева, Лино Бомбонато мора да се оправда себе си пред луѓето на повисоки позиции во култот, во т.н. етички сесии. Во текот на овие сесии, тој е поврзан со детектор за лага. Поради неговите разговори со противник на Скиентологијата, Лино Бомбонато се одлучува да лаже за време на тестот. Уредот не детектира дека лаже. Лино Бомбонато е во шок – тој навистина беше силно убеден во функционалноста на уредот.

Пријателот го предава Лино Бомбонато

Се доверува за своите сомнежи на својот пријател – но тој го предава . Скиентологијата го осудува Лино Бомбонато на понатамошни етички сесии. На крајот на мај 2009 година неговата одлука е донесена: На 22-години (во тоа време) одлучува да го напушти култот. Лично оди во Скиентолошката црквата и ја објавува својата одлука. Членовите на култот реагираат ладно- изгледа како никој да не се интересира за Лино Бомбонато. “Тоа беше еден горчлива реализација, фактот дека ме третираат како некој кој одеднаш не вреди ништо”, младиот човек изјавува денес.

По својот излез Лино Бомбонато се соочува со фактот дека не поседува ништо: Тој е 8.000 € во долгови со банката и мора да го исплати кредитите земени со цел да го финансира своето членство во култот. Тој нема образование. Тој испадна по средно училиште. Седум години од својот живот потрошени на ништо.

Eкс-членот се свртува кон иднината

Скиентологијата доби речиси сè од овој 23-годишник – и сеуште култот не го остава на мир. Скиентолозите се обидуваат да го уништаТ неговиот углед на интернет, користат лични податоци против него. И покрај ова, Лино Бомбонато се свртува кон иднината: Тој сака да ги плати своите долгови. И тој сака да научи професија – по можност каде што тој ќе може да помага на други луѓе.

Science fictionПрвата официјална Скиентолошка црква е основана од Л Рон Хабард, во 1953г. во Камден, Њу Џерси. Но веќе пред тоа, системот на верување бил во голема мера развиен. Основата на скиентолошките верувања може да се пронајде во публикацијата на Дијанетиката три години претходно.

Црквата се базира на збир од идеи во врска со умот, телото и духот, кои сумирани ја прават„Скиентологијата“. Овој сет од верувања содржи многу елементи од Дијанетиката, Хабардовиот претходен систем на само-помош, кој доживеа голем комерцијален успех со издавањето во 1950г. Скиентолозите веруваат дека човекот поседува два одделни ума. Аналитичкиот ум е делот од умот кој размислува, набљудува податоци, и решава проблеми. Има стандардни банки на меморија со цел да носи одлуки ои водат кон опстанок. Вториот ум е Реактивниот ум. Кога едно лице е „несвесно“, реактивниот ум прецизно ги снима сите перцепции од таа случка, како и тоа што се случува или што е кажано во близина на лицето. Истотака тој ја снима целата болка и ја архивира оваа ментална слика во сопствени банки на меморија, кои не се достапни при свесно присетување на лицето, и не се под негова контрола. Реактивниот ум не ја архивира меморијата каква што е. Тој архивира специфични видови на емнтални слики, наречени енграми. Овие енграми претставуваат комплетна снимка до последниот детал, на секој перцепција која е присутна во момент на делумна или комплетна „несвесност“.

Енграмите кои постојат во Реактивниот ум, предизвикуваат да се однесуваме нерационално, или спротивно на нашиот порив за опстанок. Преку „аудитингот“, кој е процес на духовна „терапија“ која се одвива во еден-на-еден приватни сесии во Црквата, Скиентологијата тврди дека може да се исчистиме од нашите Реактивните умови, и да постигнеме повисоко ниво на свесност наречено „Клиер“. Состојбата на Клиер означува комплетно бришење на нашиот Реактивен ум, и наводно ќе не ослободи од какви и да се претходни болни последици.

Штом се стане Клиер, Скиентологот е далеку од готов. Хабард создал серија на постепени тренинг рутини, наречени ОТ (Оперативен Тетан) степени (зборот „тетан“ е скиентолошки термин за дух или човечка душа). Ова е познато како напредување по „Мостот кон тотална слобода“. Секое ниво станува се поскапо и поскапо, но тврди дека резултира во повисоки и повисоки состојби на свесност. Скиентолозите веруваат дека Оперативните Тетани се здобиваат со надприродни способности, како екстериоризација на духот надвор од телото, самолекување, далекувидост и најважно, апсолутна моќ над материјата, енергијата, просторот и времето.

Контроверзијата што постои постои последните 50 години од самите почетоци на Црквата, не е поврзана со овие учења, туку со безбројните директиви кои Л Рон Хабард ги има воведено низ времето, со цел да се справи критичарите, како и со обидите на Скиентологијата да го прикрие овој високо профитабилен бизнис под плаштот на религијата. Скиентологот за да достигне „целосна духовна слобода“, вообичаено треба да вложи над 300 000 долари за касети, книги, серија предавања, аудитинг сесии и курс материјали; сите овие нешта имаат поединечно утврдени цени. Друго прашање е озлогласениот карактер на парничење на Црквата. Ова е очигледно од фактот дека Црквата има поднесено над две илјади поединечни судски тужби против ИРС и уште многу други против индивидуални критичари.

Некој еден ден ќе каже ’ова е илегално’. Дотогаш, осигурајте се Црквата да кажува што е легално, а што не е.
-Л Рон Хабард, ХКК ДР од 4 Јану 1966, „ЛРХ врски кон Орговите“

Л Рон Хабард Јуниор, синот на Л Рон Хабард, бил Извршен Секретар на Скиентолошката Црква. Тој ја напушта Црквата во 1959г. поради татковата автократска и своеволна контрола врз Скиентологијата, за која тврди дека често водела кон насилство.

Л Рон Хабард Јуниор почнал да се вознемирува поради својата вмешаност во овие работи и конечно бил убеден од својата сопруга да си замине. За да го избегне малтретирањето од Скиентолошката Црква, во 1972г. си го менува името во Роналд ДеВулф. Во својата декларација, тој сведочи:

Роналд ДеВулф

„Татко ми од секогаш гледаше на Скиентологијата и аудитингот како на чиста наука, а не религиозно ’верување’ или верба. Ние редовно дававме ветувања и дистрибуиравме изданија со ’научни гаранции’. Ова одсекогаш беше редовна пракса. Татко ми и јас создадовме ’религиозен фронт’ едиствено поради даночни цели и легална заштита против ’тужби поради измама’. Ние скоро на сите им кажувавме дека Скиентологијата е всушност наука, а не религија, и дека религиозниот фронт беше создаден за да се справиме со владата.“
-Роналд ДеВулф алијас Л Рон Хабард Јуниор (син на Л Рон Хабард), Декларација во судската постапка Schaick против Црквата на Скиентологија, Локален Суд на САД, бр. 79-2491

Според Л Рон Хабард Јуниор и многу други екс-членови, Црквата продолжува да ги следи агресивните полиси пропишани од Л Рон Хабард пред неговата смрт на 24 Јануари, 1986г. Дејвид Мискевиџ, претседател на Одборот на Религиозниот Технолошки Центар, е моменталниот „лидер“ на Скиентологијата. Мискевиџ бил добар пријател со Л Рон Хабард во неговите последни денови и покажува прилично многу од параноидните, агресивни и нестабилни карактерни црти на својот претходник.

ПОСМРТНИЦА НА Л РОН ХАБАРД

L Ron Hubbard death certificate